Washington (caalamka.net) – Xoghayaha arrimaha debedda ee Maraykanka Antony Blinken ayaa Isniintii sheegay in Shiinuhu uu sannadkii 2019, ka sameeyey dalka Cuba ee deriska la ah Maraykanka, xarumo sirdoon oo horumarsan.
Blinken ayaa u sheegay weriyayaasha, in markii uu madaxweyne Biden uu xafiiska la wareegay, bishii January ee sannadkii 2021, in lagu wargeliyey howl-gallo sirdoon oo Bejieng ay ka waddo caalamka, si ay kor ugu qaaddo hawlgalladeeda basaasnimo ee caalamka.
Wasiirka ayaa sheegay in maamulkii hore ee Biden uu arrintan ka warhayey, hase ahaatee ay u soo baxday maamulka Biden, in Washington aanay xilligaas wax horumara oo wanaagsan aanay ka samaynin arrintan, sidii ay u xakamayn lahayd.
Blinken ayaa sheegay in tan iyo xilligaas, uu maamulka uu ka tirsan yahay ay bilaabeen, tallaaboon iyo xeelado cusub oo ay ku xakamaynayaan, arrintan.
Blinken ayaa intaas raaciyey, inay la kulmeen madax badan oo caalamka ah, oo xilligaas danaynayey inay marti-geliyaan saldhigyo uu Shiinuhu ka samaysto dalkooda.
Wuxuu sheegay in khubarada Maraykanku ay garawsadeen, in dedaalada diblomaasiyadeed ee Maraykanku inay hoos u dhigeen isballaadhintii hay’adaha sirdoonka ee Shiinaha.
Shiinaha ayaa gaashaanka u daruuray eedaha loosoo jeediyey ee la xiriira inay howl-gallo sirdoon ka fuliyeen gudaha Cuba, taasi oo illaa 160 KM oo keliya u jirta gobolka Florida ee Maraykanka.
