Kulankaan ayaa waxay guddoonka uga wada-hadleen dardar-gelinta howlaha shaqo ee hortebinta u leh Baarlamaanka 11-aad ee Jamhruuiyadda Federaalka Soomaaliya.
Sidoo kale waxa kulankaan guddoonka labada Aqal ee Baarlamaanka Jamhuuriyadda Federaalka Soomaaliya ku wehlinayay hab-dhowrayaasha iyo xoghayeyaasha labada aqal Cabdinaasir Ibraahim Guuleed iyo Cabdiraxmaan Maxamuud Cabdulle (Jaabiri).
Waxay isla garteen in ay si wadajir ah u wajahaan kalfadhiga saddexaad sharciyada iyo howlaha kale ee muhiimka u ah qaranka, oo ay ugu horreeyaan dhammasytirka wax ka bedelka dib-u-eegista Dastuurka KMG, ka howlgelidda heshiisyadii ay gaareen Madasha Wadatashiga Qaran iyo qodobo kale oo muhiim ah geedi socodka dowladnimadda dalka.
Kulanka wada-tashiga ah ayaa waxaa ka qeyb-galay guddoomiye ku-xigeennada Golaha Shacabka BJFS Marwo Sacdiya Yaasiin Haaji Samatar, Cabdullahi Cumar Abshirow iyo hab-dhowraha Aqalka Sare, Senator Samsam Ibraahim Cali.
Dhawaan ayay aheyd markii la hakiyay fadhiga Golaha , ayada oo la go’aamiyay in dib loo furi doono 5-ta Bisha Luuliyo ee sanadkaan 2023-ka, sida uu shaaciyay guddoonka golaha.
Si kastaba, Golaha Shacabka ayaa waxaa horyaalla dhowr ajande oo qaarkood qabyo u ah, sidoo kale shuruuc kala duwan oo kasoo gudubtay Golaha Wasiirrada xukuumadda federaalka, iyo weliba qorshaha wax ka bedelka Dastuurka, oo dood badan dhaliyay.
